එක දළයක් විතරක් තියෙන මේ ඇතාව ශ්‍රී දළදා මාළිගාවේ ඉන්න හීලෑම ඇතා කියලා හඳුන්වනවා. 1977 දී පින්නවල ඇතුන් තුන් දෙනෙක් විකුණන්න දැම්මාම, හිටපු සෞඛ්‍ය ඇමතිනි විමලා කන්නංගර මැතිනිය එයාවයි වාසනා ඇතාවයි රුපියල් 25,000 ගානේ මිලදී අරන් ඒකදන්තව මාළිගාවට පිදුවා. පොඩි කාලේදී එයාගේ පොඩි දළ දෙකෙන් එකක් දිරලා වැටුණා. ඒ නිසා එයා රන් කරඬුව වැඩම කළේ දවල් පෙරහැරේ විතරයි. එයාගේ පළමු පෙරහැර තිබුණේ 1978 කාර්තික මංගල්‍ය දවසේ.