தள கொட்டா யால தேசியப் பூங்காவின் மிகப் பெரிய தந்த யானை என விவரிக்கப்பட்டது; பல சுற்றுலாப் பயணிகளை ஈர்த்தது. இது பெரும்பாலும் ஆறாம் வலயத்தில் வாழ்ந்தது, சுமார் எட்டரை அடி உயரம் கொண்டது. அதன் வலது காலில் காயம் இருந்தது; வனவிலங்குக் கால்நடை மருத்துவர்கள் ஒரு மாதத்துக்கும் மேலாகச் சிகிச்சை அளித்தும் அது இறந்தது. 2023 ஏப்ரலில் லுணுகம்வெஹெர நீர்த்தேக்கத்தில் அதன் உடல் கண்டெடுக்கப்பட்டது; மரணத்துக்கான காரணம் அப்போது வெளியிடப்படவில்லை.