சாந்தி

சாந்தி சுமார் 1975இல் இலங்கையில் பிறந்து, பின்னவல யானைகள் சரணாலயத்தில் அனாதைக் குட்டியாகப் பராமரிக்கப்பட்ட பெண் யானை. 1976இல் 'இலங்கைச் சிறுவர்களிடமிருந்து அமெரிக்கச் சிறுவர்களுக்கான பரிசாக' வொஷிங்டனிலுள்ள ஸ்மித்சோனியன் தேசிய மிருகக்காட்சிசாலைக்கு அனுப்பப்பட்டு, 1977 ஏப்ரலில் ஏமி கார்ட்டரிடம் அடையாளமாக ஒப்படைக்கப்பட்டது. உலகில் மிக அதிகம் ஆய்வு செய்யப்பட்ட யானையாக இருக்கலாம்; யானைகளில் செயற்கைக் கருவூட்டலை முன்னெடுக்க உதவியது – இதன் மகன் கந்துல (2001) அவ்வாறே கருவானது. பல ஆண்டுகள் மூட்டு வாதத்தால் (ஒஸ்டியோஆர்த்ரைட்டிஸ்) அவதியுற்ற சாந்தி 2020 ஜூன் 26 அன்று சுமார் 45 வயதில் கருணைக்கொலை செய்யப்பட்டது.