7 படங்கள்
கண்ணோட்டம்
கொடிப்பசலை என்பது பசல்லேசேவி குடும்பத்தைச் சேர்ந்த ஒரு கொடித் தாவரமாகும். இது கீரையாகவும், மூலிகையாகவும் பயன்படுத்தப்படுகிறது. இதற்கு கொடிலை, கொடிப்பயலை, கொடிவசலை, பசளை, கொடியலை என வேறு பெயர்களும் உள்ளன. இது வெப்பமண்டல ஆசியா மற்றும் ஆபிரிக்காவில் காணப்படுகிறது, இப்பகுதிகளில் இது பரவலாக கீரையாக பயன்படுத்தப்படுகிறது. இது இந்தியத் துணைக்கண்டம், தென்கிழக்கு ஆசியா, நியூ கினியாவைப் பிறப்பிடமாகக் கொண்ட தாவரமாகும். இதன் இயற்கை வாழிடமாக சீனா, வெப்ப மண்டல ஆப்பிரிக்கா, பிரேசில், பெலிஸ், கொலம்பியா, மேற்கிந்தியத் தீவுகள், பிஜி மற்றும் பிரெஞ்சு பொலினீசியா ஆகியவை உள்ளன.